Qazaqstan Respýblıkasy О́ńirlik damý mınıstrliginiń buıryǵy  №181/NQ

2014 jylǵy 24 maýsym, Astana qalasy «Qazaqstan Respýblıkasy О́ńirlik damý mınıstrligi Kásipkerlikti damytý komıteti» memlekettik mekemesiniń erejesin bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 3-baby 3-tarmaǵynyń 2) tarmaqshasy men 29-baby 1-tarmaǵynyń 6) tarmaqshasyna sáıkes buıyramyn: 1. «Qazaqstan Respýblıkasy О́ńirlik damý mınıstrliginiń Kásipkerlikti damytý komıteti» memlekettik mekemesiniń qosa berilip otyrǵan erejesi bekitilsin. 2. Qazaqstan Respýblıkasy О́ńirlik damý mınıstrliginiń Kásipkerlikti damytý komıteti zańmen belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkeýden ótkennen keıin on kúntizbelik kún ishinde merzimdi baspasóz basylymdarynda jáne «Ádilet» aqparattyq-qukyqtyq júıesinde resmı jarııalaý úshin joldaýdy; 3) osy buıryqtyń Qazaqstan Respýblıkasy О́ńirlik damý mınıstrliginiń ınternet-resýrsynda ornalasýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy О́ńirlik damý mınıstrliginiń jaýapty hatshysy A.K. Qabykenovke júktelsin. 4. Osy buıryq onyń alǵash ret resmı jarııalanǵannan kúnnen bastap qoldanysqa engiziledi. Mınıstr B.JÁMIShEV. Qazaqstan Respýblıkasy О́ńirlik damý mınıstriniń 2014 jylǵy 24 maýsymdaǵy № 181/NQ buıryǵymen bekitilgen «Qazaqstan Respýblıkasy О́ńirlik damý mınıstrliginiń Kásipkerlikti damytý komıteti» memlekettik mekemesi týraly Ereje 1. Jalpy erejeler 1. Qazaqstan Respýblıkasy О́ńirlik damý mınıstrliginiń Kásipkerlikti damytý komıteti (ári qaraı – Komıtet) Qazaqstan Respýblıkasy О́ńirlik damý mınıstrligi (ári qaraı – Mınıstrlik) sheginde jáne Qazaqstan Respýblıkasynyń zańnamasyna sáıkes kásipkerlik qyzmetti damytý salasynda baqylaý jáne iske asyrý fýnksııalaryn júzege asyratyn vedomstvosy bolyp tabylady. 2. Komıtet óz qyzmetin Qazaqstan Respýblıkasynyń Konstıtýsııasy men zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrady. 3. Komıtet memlekettik mekemeniń uıymdastyrýshylyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy jazylǵan móri men mórtańbalary, belgilengen úlgidegi blankileri, sondaı-aq zańnamaǵa sáıkes Qazaqstan Respýblıkasy Qarjy mınıstrliginiń qazynashylyq organdarynda shottary bolady. 4. Komıtet azamattyq-quqyqtyq qatynastarǵa óz atynan túsedi. 5. Eger Komıtet Qazaqstan Respýblıkasynyń zańnamasyna sáıkes ýákiletti bolsa, ol memlekettiń atynan azamattyq-quqyqtyq qatynastardyń taraby bola alady. 6. Komıtettiń qurylymy jáne shtat sanynyń lımıti qoldanystaǵy zańnamaǵa sáıkes bekitiledi. 7. Komıtettiń turǵan jeri: 010000, Astana qalasy, «Esil» aýdany, Orynbor kóshesi, № 8 úı, 10 kireberis, «Mınıstrlikter úıi» ákimshilik ǵımaraty. 8. Komıtettiń tolyq ataýy - «Qazaqstan Respýblıkasy О́ńirlik damý mınıstrliginiń Kásipkerlikti damytý komıteti» memlekettik mekemesi, yqshamdalǵan ataýy: QR О́DM KDK. 9. Osy Ereje Komıtettiń quryltaı qujaty bolyp tabylady. 10. Komıtettiń qyzmetin qarjylandyrýy respýblıkalyq bıýdjet qarajatynyń esebinen júzege asyrylady. 11. Komıtetke óziniń fýnksııasy bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túspeıdi. Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqy berilse, onda mundaı qyzmetten túsken kirister bıýdjettiń kirisine joldanady. 12. Komıtet: 1) aqparattyq-taldaý basqarmasynan; 2) kásipkerlikti qarjylyq qoldaý basqarmasynan; 3) kásipkerlikti qarjylyq emes qoldaý basqarmasynan; 4) memlekettik organdardyń baqylaý, qadaǵalaý jáne ruqsat etý júıesi máseleleri jónindegi qyzmetiniń monıtorıng! basqarmasynan; 5) ishki ákimshilendirý basqarmasynan turady. 2. Komıtettiń negizgi mindetteri, fýnksııalary men quqyqtary 13. Mindeti: kásipkerliktiń damytý jaǵdaıyn jalpy jáne óńirler boıynsha taldaý. Fýnksııalary: 1) kásipkerlik ortaǵa, ınvestısııalyk ahýalǵa jáne jeke kásipkerlikti damytýdyń ınfraqurylymyna taldaý júrgizý; 2) jeke kásipkerlikti damytý men qoldaý jónindegi memlekettik saıasatty nasıhattaý; 3) shaǵyn kásipkerlikti qoldaý men damytýdyń memlekettik sharalarynyń oryndalýyn úılestirý. 14. Mindeti: jeke kásipkerliktiń sýbektilerine qarjylyq quraldardyń qol jetimdiligin qamtamasyz etý jáne óńirlik kásipkerlikti jandandyrý. Fýnksııalary: 1) shaǵyn kásipkerlikti qoldaý men damytýdyń memlekettik sharalarynyń oryndalýyn uıymdastyrý; 2) shaǵyn kásipkerliktiń ınnovasııalyq, ınvestısııalyq jáne ındýstrııalyq damýdyń memlekettik baǵdarlamalaryn iske asyrýǵa qatysýy úshin jaǵdaılar jasaý; 3) jeke kásipkerlik sýbektileriniń taýarlardyń (jumystardyń, kórsetiletin qyzmetterdiń) halyqaralyq naryqtaryna shyǵýy úshin jaǵdaılar jasaý; 4) jeke kásipkerlik sýbektilerin qarjylandyrý jáne olarǵa kredıt berý jónindegi sharalardy jetildirý týraly usynystar ázirleý. 15. Mindeti. kásipkerlikti qoldaý ınfraqurylymdy jáne oqytý júıelerin qalyptastyrý jáne óńirlik kásipkerlikti jandandyrý. Fýnksııalary: 1) jeke kásipkerlikti damytý salasynda halyqaralyq yntymaqtastyqty júzege asyrý; 2) Qazaqstan Respýblıka óńirlerinde shaǵyn kásipkerlik ınfraqurylymyn qalyptastyrý men damytýǵa septigin tıgizý; 3) ınvestorlar, grant berýshi halyqaralyq uıymdar úshin jeke kásipkerlikti qoldaý jáne damytý máselelerinde jaǵdaılar jasaý; 4) jeke kásipkerlik salasynda kadrlar daıarlaý, qaıta daıarlaý jáne olardyń biliktiligin arttyrý júıesin qalyptastyrý jónindegi sharalardy iske asyrý. 16. Mindeti: kásipkerlik ahýalyn jaqsartý jáne kásipkerliktiń damýyna jaǵdaılardyń qolaılyǵyn qamtamasyz etý. Fýnksııalary: 1) jeke kásipkerlik sýbektilerin qoldaý men qorǵaý salasyndaǵy baqylaýdy júzege asyrý; 2) «Ákimshilik quqyq buzýshylyq týraly» Qazaqstan Respýblıkasy kodeksine sáıkes ákimshilik quqyq buzýshylyq týraly hattamalardy jasaý; 3) memlekettik organdar men laýazymdy tulǵalar jol bergen jeke kásipkerlik sýbektileriniń qyzmetin retteıtin Qazaqstan Respýblıkasynyń zańnamasyn buzýshylyqtar týraly Qazaqstan Respýblıkasynyń Prezıdenti men Úkimetin aqparattandyrý; 4) memlekettik ruqsat berý jáne jeke kásipkerlik sýbektileriniń qyzmetin memlekettik baqylaý men qadaǵalaý júıesin, sondaı-aq jeke kásipkerlikti qoldaý jáne damytý sharalaryn jetildirý jáne ońtaılandyrý salasynda vedomstvoaralyq úılestirý. 17. Komıtet jeke kásipkerlikti qoldaý men damytýdyń memlekettik saıasatyn júrgizýdi, jeke kásipkerlik sýbektilerine ádisnamalyq kómek uıymdastyrady jáne Qazaqstan Respýblıkasynyń zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de fýnksııalardy júzege asyrady. 18. Komıtettiń ózine júktelgen mindetterdi iske asyrý jáne óz fýnksııalaryn júzege asyrý úshin zańnamada belgilengen tártippen: 1) quzyretine kiretin óndiristik qyzmet máselelerin jedel sheshýdi qamtamasyz etý úshin Mınıstrliktiń qurylymdyq bólimshelerimen ózara qarym-qatynasqa túsedi; 2) ózge de memlekettik organdar men laýazymdy tulǵalardan Komıtet quzyretine jatqyzylǵan máselelerdiń sheshý úshin qajetti aqparatty, qujattar men materıaldardy suratady jáne alady; 3) óz qyzmetiniń barlyq máseleleri boıynsha usynystar engizedi; 4) Qazaqstan Respýblıkasy Úkimetiniń 2010 jylǵy 13 sáýirdegi №301 qaýlysymen bekitilgen «Bıznestiń jol kartasy 2020» baǵdarlamasynyń (budan ári - Baǵdarlama) sheńberinde jeke kásipkerlikti damytý boıynsha qarjylyq, ekonomıkalyq jáne basqa kórsetkishterdi jınaqtaıdy jáne taldaıdy; 5) Komıtettiń quzyretine kiretin suraqtary boıynsha konferensııalardy, semınarlardy, májilisterdi, jumys toptarynyń, vedomstvoaralyq komıssııalardyń otyrystaryn ótkizedi; 6) qoldaýdy kórsetý suraqtary boıynsha «Damý» kásipkerlikti damytý qory» aksıonerlik qoǵamymen Baǵdarlamanyń sheńberinde qarjylyq ózara áreketti júzege asyrady; 7) jeke kásipkerlikti qoldaý jáne damytý boıynsha bıýdjettik baǵdarlamalardy ákimshilik etedi; 8) memlekettik baqylaý, qadaǵalaý jáne ruqsat berý qujattaryn júzege asyratyn memlekettik organdardyń qyzmetine monıtorıng etedi; 9) jeke kásipkerlik týraly zańnamanyń talaptaryn oryndaý boıynsha aqparatty jınaqtaıdy jáne taldaıdy; 10) kásipkerlikti qorǵaý sharalaryn jetildirý boıynsha usynystardy joldaıdy; 11) óz quzyretindegi máseleler boıynsha zańnamada belgilengen tártipte buıryqtardy shyǵarady; 12) Qazaqstan Respýblıkasynyń zańnamalyq aktilerinde kózdelgen basqa da quqyqtardy júzege asyrýǵa quqyǵy bar. 3. Komıtettiń qyzmetin uıymdastyrý 19. Komıtet Qazaqstan Respýblıkasynyń zańnamalyq aktilerine, Prezıdentiniń aktilerine, Qazaqstan Respýblıkasynyń ózge de normatıvtik quqyqtyq aktilerine sáıkes óziniń negizgi mindetteri men fýnksııalaryn iske asyrý úshin qajetti ókilettikterdi ıelenedi. 20. Komıtetti Qazaqstan Respýblıkasynyń zańnamasynda belgilengen tártippen qyzmetke taǵaıyndalatyn jáne qyzmetten bosatylatyn tóraǵa basqarady. 21. Komıtet tóraǵasynyń Qazaqstan Respýblıkasynyń zańnamasynda belgilengen tártippen qyzmetke taǵaıyndalatyn jáne qyzmetten bosatylatyn orynbasarlary bolady. 22. Komıtettiń tóraǵasy Komıtettiń qyzmetine jalpy basshylyqty júzege asyrady jáne Komıtetke júktelgen mindetterdiń oryndalýy men onyń óz fýnksııalaryn júzege asyrýy úshin derbes jaýapty bolady. 23. Komıtettiń tóraǵasy Mınıstrliktiń basshysyna Komıtettiń qurylymy men shtattyq kestesi boıynsha usynystar beredi. 24. Komıtet tóraǵasy: 1) Komıtet tóraǵasynyń orynbasarlarynan basqa, Komıtet qyzmetkerlerin laýazymǵa taǵaıyndaıdy jáne laýazymynan bosatady; 2) óz orynbasarlarynyń jáne Komıtettiń qyzmetkerlerin mindetteri men ókilettikterin belgileıdi jáne bekitedi; 3) óziniń quzyreti sheginde Komıtetke sybaılas jemqorlyqqa qarsy áreket jasaýǵa baǵyttalǵan shara­­lar qabyldaıdy jáne sybaılas jemqorlyqqa qarsy sharalar kabyldaý úshin jeke jaýaptylyqta bolady; 4) Komıtet Tóraǵasynyń orynbasarlarynan basqa, Komıtet qyzmetkerlerin yntalandyrady jáne olarǵa tártiptik jaza qoldanady; 5) issaparǵa jiberý, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemaqy men syıaqy tóleý máselelerin sheshedi; 6) Komıtettiń qurylymdyq bólimsheleriniń erejelerin bekitedi; 7) Memlekettik organdarda, ózge uıymdarda senimhatsyz Komıtettiń ókili bolady; 8) retteletin salada memlekettik saıasatty qalyptastyrý jóninde usynystar tujyrymdaıdy; 9) buıryqtarǵa qol qoıady; 10) Qazaqstan Respýblıkasynyń Parlamentinde, memlekettik organdarda jáne ózge uıymdarda Komıtettiń ókili bolady; 11) Qazaqstan Respýblıkasynyń zańnamasyna sáıkes ózge de ókilettikterdi júzege asyrady. 25. Komıtettiń quzyretine kiretin máseleler boıynsha Komıtet atynan basqa qurylymdyq bólimshelerge jiberiletin qujattarǵa tóraǵasy, al ol bolmaǵan jaǵdaıda ony almastyratyn adam qol qoıady. 26. Tóraǵa, onyń orynbasarlary men qurylymdyq bólimshelerdiń basshylary sybaılas jemqorlyqqa qarsy is-qımyl jasaýy tıis jáne sybaılas jemqorlyqqa qarsy Qazaqstan Respýblıkasy zańnamasynyń saqtalýyna derbes jaýap beredi; 27. Komıtet qabyldaıtyn sheshimder Komıtet tóraǵasynyń buıryǵymen rásimdelinedi. 4. Komıtettiń múlki 28. Qazaqstan Respýblıkasy zańnamasymen kózdelgen jaǵdaılarda, Komıtet jedel basqarý quqyǵyndaǵy oqshaýlanǵan múlki bolady. Komıtettiń múlki oǵan memleket bergen múliktiń jáne aınalym qarajattarynyń negizgi qorynan, sondaı-aq quny Komıtettiń teńgeriminde kórsetiletin ózge de múliktiń esebinen qalyptasady. 29. Komıtetke bekitip berilgen múlik respýblıkalyq menshikke jatady. 30. Komıtettiń ózine bekitip berilgen múlikti, eger zańnamalyq aktide ózgeshe belgilenbese, oǵan qarjylandyrý jospary boıynsha bólingen qarajat esebinen satyp alynǵan múlikti ózdiginen ıelikten aıyrýǵa nemese oǵan ózge de tásilmen bılik etýge quqyǵy joq. 5. Komıtetti qaıta uıymdastyrý jáne taratý 31. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júrgiziledi. Buıryq Qazaqstan Respýblıkasynyń Ádilet mınıstrliginde 2014 jylǵy 22 shildedegi Normatıvtik quqyqtyq kesimderdi memlekettik tirkeýdiń tizilimine № 9605 bolyp engizildi.